Devetostruki svjetski šampion Valentino Rosi karijeru će naredne sezone nastaviti u Petronas Jamahi.
Zvanično je objavljeno da će se Italijan i naredne godine takmičiti u Moto GP i to za Petronas, gdje će mu timski kolega biti polaznik njegove akademije, Franko Morbideli. U fabričkoj Jamahi na njegovo mjesto dolazi Fabio Kvartararo, dok Maverik Vinjales sigurno ostaje u ekipi.
“U ime Petronas Jamahe i njenih partnera, velika mi je čast što mogu da poželim dobrodošlicu u naš tim Valentinu Rosiju – ikoni i legendi. Njegovo iskustvo će biti od velike vrijednosti našem timu koji ulazi u treću sezonu u kraljevskoj klasi i sigurni smo da ćemo moći mnogo da naučimo od Valentina. U isto vrijeme, daćemo sve od sebe da mu pomognemo da bude konkurentan i nagradimo ga za povjerenje koje je ukazao našem timu” – rekao je šef Petronas Jamahe, Razlan Razali.
“Doktor” je u kraljevskoj klasi debitovao 2000. godine i od tada je slavio u 89 trka, a sedam puta je bio šampion.
BREAKING: ROSSI RACES ON! 🙌@ValeYellow46 joins @sepangracing as fairytale career with Yamaha continues! 👍#MotoGP | 📰https://t.co/qs5ZA07Ezx
— MotoGP™🏁 (@MotoGP) September 26, 2020
