Olimpijske igre kroz svoju istoriju su donijele mnoge zanimljive priče, a jedna od njih se dogodila na samom početku ovih u Parizu.
Kineskinja Žijing Ženg na ovim Igrama predstavlja Čile u stonom tenisu. To ne čudi, jer dosta stonotenisera iz ove azijske države nastupa za različite zemlje svijeta, jer je u Kini konkurencija prejaka.
Ono što je zanimljivo je da Ženg debituje na Olimpijskim igrama i to s 58 godina.
Ona je ispala u preliminarnoj rundi od malo mlađe Marijane Sahakian iz Libana rezultatom 4:1, a Libanka je tako ušla u glavni žrijeb s 47 godina.
