Britanski teniser Lijam Brodi reagovao je na doping slučaj Ige Švjontek.
Švjontek je bila pozitivna na trimetazidin, zbog čega je privremeno suspendovana od 12. septembra do 4. oktobra, nakon čega joj je uvažena žalba. Nakon svega, Poljakinja se oglasila i iznijela svoje viđenje.
Navodno, Švjontek je Međunarodnoj agenciji za teniski integritet prijavila čak 14 lijekova/suplemenata koje koristi.
“Ovo je ludo” – napisao je Brodi na Tviteru.
Na dvostruke aršine ITIA ukazala je i Simona Halep, koja je zbog pozitivnog testa bila suspendovana na četiri godine, prije nego što joj je kazna umanjena na devet mjeseci.
