Trener Barselone, Ronald Kuman priznao je da se put do vrha Primere čini vrlo teškim za njegov tim. Holanđanin je procijenio to nakon što je Eibar na “Kamp nou” sinoć odigrao 1:1 i odnio bod.
Holanđanin je zadržao hladnu glavu u situaciji.
“Realan sam, biće vrlo teško opet postati prvak. Ništa nije nemoguće, ali morate priznati zaostatak. Atletiko mi izgleda jako dobro, vrlo snažno; ne primaju puno golova” – rekao je Kuman nakon utakmice, a prenio “SputnikNews“.
Međutim, trener “Blaugrane” je rekao da su ih pojedinačne pogreške koštale bodova i igre.
“Ne možete reći da Barselona igra bolje bez Lionela Mesija. On je drugačiji igrač. Generalno gledano, igrali smo dobro. Pojedinačne greške koštale su nas bodova. Zaslužili smo pobjedu, napravili smo ono što je trebalo. Eibar je imao samo jedan udarac gol. Stvorili smo šanse, ali nismo pogodili penal, a zatim grešku u odbrani. Igrali smo dobro, puno smo radili i učinili dovoljno za pobjedu, ali ovo nam se događa prečesto” – analizirao je Kuman.
