Đanluiđi Bufon je čestitao Kristijanu Ronaldu na rekordu karijere nakon što je napadač Juventusa postigao 760. pogodak.
Portugalac se sinoć zajedno sa Alvarom Moratom upisao u strijelce u pobjedi Juventusa u finalu Superkupa Italije protiv Napolija od 2:0.
Legendarni golman “Stare dame” Đanluiđi Bufon čestitao je Ronaldu na ovom podvigu na Instagramu.
“Mogao si me poštedjeti sa nekoliko golova. U svakom slučaju, čestitam ti na posljednjem rekordu u karijeri. CR 760” – napisao je italijanski veteran.
Kristijanu Ronaldu ovo je bio četvrti osvojen pehar u dresu Juventusa.
