Po mišljenju mnogih najbolji košarkaš svih vremena, a trenutno vlasnik NBA franšize Šarlot Hornetsa Majkl Džordan za američke predstavnike medija otkrio je mišljenje o Lamelo Bolu, rukiju koji brani boje kluba iz saveznoj državi Sjeverna Karolina.
Ogroman pritisak bio je na najmlađem od braće Bol poslije velikih uzbuđenja koja je kreirao njihov otac Lavar Bol. Veliku težinu pritiska i očekivanja na svojim leđima Lamelo je ponio i prije nego je kročio u NBA svijet, jer su se tamo pronašli njegov stariji brat Lonzo, a na nekoliko dana čar najkvalitetnije košarkaške lige svijeta osjetio je i “srednji” brat Lianđelo.
“Lamelo Bol je prevazišao naša očekivanja” – kategorično kratko odgovorio je na pitanje predstavnika medija Džordan.
U dosadašnjem dijelu sezone, Lamelo Bol na parketu prosječno provodi 29 minuta, a za to vrijeme postiže prosječno 15,8 poena, uz šest skokova i 6,3 uspješnih dodavanja po meču.
