Grčki košarkaš Kostas Slukas govorio je o tome kada želi da završi karijeru.
Iskusni plejmejker trenutno ima ugovor sa Panatinaikosom do 2026. godine. To bi mogao da bude njegov posljednji angažman.
“Neću igrati previše. Mislim da ću za dvije do tri godine prekinuti karijeru. Kada mi ugovor istekne, vjerujem da će biti kraj. Želim da stanem dok sam na visokom nivou” – istakao je Slukas za grčki “Sportal” i dodao:
“Još nisam do kraja postao svjestan uspjeha iz prethodne sezone, ali ono što me trenutno zanima je sadašnjost. Ono što mogu da kažem je da imamo još bolji tim nego onaj iz prošle sezone.”
Slukas je prošle sezone prešao iz Olimpijakosa u Panatinaikos i postao meta navijača.
