Bruka Sutjeske, Rijeka i Osijek sigurni, kraj za Vojvodinu

Klubovi s prostora bivše Jugoslavije imali su polovičan učinak danas u drugom kolu kvalifikacija za Ligu konferencija. 

Sutjeska iz Nikšića se propisno obrukala pošto je ispala od Santa Kolome iz Andore nakon poraza poslije produžetka od 3:0. Donijeli su Nikšićani prednost od 2:0, ali su to Andorci uspjeli do 71. minuta da nadoknade golovima Marija Mourela i Marka Negra za 2:0. Kada se krenulo u produžetke Ivan Garido je dao gol u 96. minutu za 3:0 i prolaz svog tima u treće kolo gdje će igrati sa AZ Alkmarom.

Vojvodina je ponovo poražena od Apoela sa 2:1, ovaj put u Novom Sadu. Kingsli Safro je doveo goste u prednost od 1:0 u 28. minutu, pa je devet minuta kasnije Dejan Zukić izjednačio na 1:1. Konačnih 2:1 za prolaz Kiprana postavio je Georgios Efrem golom s bijele tačke u 74. minutu. Apoel će u narednom kolu igrati protiv Dila Gorija.

Oni koji su odradili svoj posao su hrvatski timovi Osijek i Rijeka. Osijek je u prvom duelu savladao Zalegerzeg sa 1:0, a sada su već u devetom minutu poveli sa 1:0 autogolom Bence Gergenjija. Josip Špoljarić je povećao na 2:0 u 73. minutu za 2:0, da bi na 2:1 smanjio Eduvi Ikoba. Tako će Osijek u trećem kolu igrati sa turskim timom Adane.

Rijeka Sergeja Jakirovića je bez problema bila bolja od Dukađinija sa 6:1. Marko Pašalić je dao prvi gol u 27. minutu, pa je Franjo Ivanović povisio na 2:0, da bi Iljasa Zulfiji smanjio na 2:1, ali je Ivanović u trećem minutu sudijske nadoknade povećao na 3:1. Onda je Bruno Goda dao gol za 4:1, i onda se za 5:1 pobrinuo Nais Đuhara. Na konačnih 6:1 povisio je Ivanović svojim het-trikom. Njihov sljedeći rival će biti bolji iz dvomeča Haverfordvest – B36 Toršavn.

Postavi odgovor