(VIDEO) Haverc u finišu donio pobjedu Arsenalu: Tobdžije ponovo na samom vrhu tabele

Arsenal je u 13. kolu Premijer lige na gostovanju savladao ekipu Brentforda minimalnim rezultatom 1:0.

Tobdžije su od početka kontrolisale posjed lopte, ali nije bilo izglednijih šansi do finiša prvog poluvremena. Tada je Bukajo Saka poslao odličan pas u šesnaesterac, Gabrijel Žezus je pokušao glavom, ali je Mark Fleken uspio da odbrani. Ipak, Leandro Trosar je ispratio akciju, a onda glavom uspio da postigne pogodak.

Međutim, uslijedila je provjera VAR-a, gdje je utvrđeno da je Trosar bio u minimalnoj ofsajd poziciji, pa je gol poništen. Nastavila se velika borba na terenu i u drugom poluvremenu, Arsenal je uglavnom napadao, a Brentford pokušavao nakon prekida i kontranapadima.

Tako su domaći imali sjajnu šansu u 77. minutu, kada je Nil Maupaj pokušao iz neposredne blizine, ali je Oleksandr Zinčenko spasio Arsenal, pošto je loptu izbacio sa gol linije. Kada je djelovalo da će ovaj meč završiti bez pobjednika, uslijedio je pogodak Kaija Haverca u 89. minutu susreta na asistenciju Sake, pa je tako Arsenal nakon velike muke uspio da dođe do sva tri boda kod Brentforda.

Londonski velikan je tako uspio da se vrati na vrh tabele. Sada imaju 30 osvojenih bodova, jedan više u odnosu na Mančester siti, a dva u odnosu na Liverpul. Brentford je, s druge strane, na 11. mjestu sa 16 bodova. Tobdžije u narednom kolu dočekuj Vulverhempton, dok će Brentford na svom terenu odmjeriti snage protiv Lutona.

Standings provided by Sofascore

Postavi odgovor