Fudbaleri Brajtona došli su do ogromna tri boda protiv Mančester junajteda, nakon što su ih savladali na “Old Trafordu” rezultatom 2:1.
Junak velikog slavlja Brajtona bio je Paskal Gros, koji je bio strijelac oba gola gostujuće ekipe. Nakon meča je kazao da bi volio da postiže golove i protiv drugih ekipa, a ne samo protiv Mančester junajteda.
“Ne možemo tražiti više od ovoga. Tri boda na gostovanju protiv Mančester junajteda. Ovo je velika pobjeda za nas. Volio bih da postignem više golova protiv drugih ekipa, ali uvijek ih postižem protiv Mančester junajteda. Ne znam zašto. Igrali smo zaista dobro. Imali smo dobar plan igre i držali smo ga se. Imali smo šanse i iskoristili smo ih” – kazao je Gros nakon meča.
Gros je do sada postigao šest golova u Premijer ligi protiv Junajteda, dvostruko više nego protiv bilo koje druge ekipe.
