Legendarni njemački fudbaler Lotar Mateus je izjavio kako je srpski centarfor Dušan Vlahović idealan za ekipu Bajern Minhena.
Ovih dana se u medijima piše kako će Dušan Vlahović koji je nezadovoljan svojim statusom u klubu na ljeto napustiti Juventus, a prema riječima Lotara Mateusa savršen tim za njega je Bajern Minhen.
“Mislim da je Bajern dovodio igrače koji nisu odgovarali načinu igre. Kakav igrač treba Bajernu? Nisu uspjeli da nađu vrhunskog napadača otkad je otišao Levandovski. Vlahović je po mom mišljenju najbolji kandidat za tu poziciju” – rekao je Mateus.
Vlahović iza sebe nema baš najbolju golgetersku sezonu jer srpski centarfor na ukupno 42 utakmice u svim takmičenjima postigao 14 golova uz dvije asistencije.
