Selektor Ukrajine Andrij Ševčenko nakon pobjede od 2:1 protiv Sjeverne Makedonije izjavio je da su njegovi izabranici mogli postići više golova, ali i da je zadovoljan prikazanom partijom.
“Prije svega, želim da se zahvalim našim navijačima koji su nas bodrili do prve pobjede na turniru, takođe i onima koji su nas pratili od kuće” – započeo je poslije pobjede Ševčenko te dodao:
“Mogli smo da postignemo više golova. Moramo da budemo svjesni koliko šansi stvaramo i kako igramo u napadu. Mislim da je Ukrajina veoma dobar napadački tim i to je danas pokazala. Zadovoljan sam što sam to vidio, ali najvažnije je što smo reagovali poslije primljenog gola i pokazali želju da postignemo više golova i zato smo zaslužili ovu pobjedu”.
Narednu utakmicu Ukrajina će igrati protiv Austrije, a taj meč na programu je 21. juna sa početkom od 18h.
