Sporting je danas s 4:3 pobijedio Barselonu u finalu Lige šampiona u futsalu odigranom u dvorani “Krešimir Ćosić” u Zadru.
Manje od 60 sekundi bilo je potrebno Barseloni da dođe do prednosti u današnjem finalu Lige šampiona u futsalu, a mrežu portugalskog tima na samom otvaranju utakmice pogodio je Marsenijo. Na odmor je katalonska ekipa uspjela otići s dva gola prednosti, nakon što je dvije minute prije kraja prvog poluvremena strijelac bio Čimbinja.
U šestom minutu nastavka Sporting preko Zikija dolazi do smanjivanja prednosti, a potom pogotkom Erika Mandonce dvije minute poslije i do izjednačenja. Nastavili su Portugalci u dobrom ritmu, pa je već tri minute nakon izjednačujućeg gola uslijedio preokret koji je režirao Žoao Matos, da bi tri minute prije kraja četvrti gol za svoju ekipu postigao Pauleta. Barselona je do kraja uspjela tek golom Feraa konačni rezultat postaviti na 4:3.
Velikom pobjedom Sporting je došao do svoje druge titule prvaka Evrope, a prethodnu su osvojili prije dvije sezone.
