Lester je u polufinalu FA kupa pobijedio Sautempton rezultatom 1:0. Jedini pogodak na meču je postigao Keleni Iheanačo.
Nije u prvom poluvremenu bilo mnogo uzbuđenja. Viđeno je samo jedno u 34. minuti kada je Džejmi Vardi primio dobro dodavanje, a potom šutirao preko gola.
Lester je do prednosti stigao u 55. minuti. Vardi je prošao po lijevoj strani i ubacio na peterac do Kelenija Iheanača kojem je prvo udarac izblokiran, ali mu se lopta srećno vratila pa je iz popravnog dosta bolje šutirao i doveo “Lisice” u vođstvo.
U intervalu od dvije minute od 61. do 63. Sautempton je imao dvije dobre šanse. Najprije je Če Adams šutirao pored gola, a potom i Ibrahima Dialo. Mogao je pobjedu Lestera potvrditi Džejms Madison u 77. minuti, ali ni on nije bio precizan. Dovoljan je međutim Lesteru bio i jedan pogodak, kojim su se plasirali u finale FA kupa.
Oni će u finalu igrati protiv Čelsija koji je juče pobijedio Mančester siti rezultatom 1:0.


