Košarkaši Albe iz Berlina savladali su Asvel i time upisali prvu pobjedu u novoj sezoni Evrolige.
Domaćin je bolje otvorio meč i sa +7 otišao na pauzu nakon prve dionice, ali već na poluvremenu je Asvel uspio da se vrati u život i izjednači. Ipak je odlična treća četvrtina tima iz Berlina bila na kraju bilo ono što je prelomilo.
Najbolji kod pobjednika bio je Martin Hermanson sa 21 poenom. Mateo Spanjolo je ubacio 16, a Jani Vecel i Trevijon Vilijams po 11.
Na drugoj strani Teo Maledon je imao 17, Paris Li 16, a Nil Sako 12 poena i čak 13 skokova.
U narednom kolu Alba dočekuje Fenerbahče u četvrtak, a Asvel u petak Baskoniju.
