Meč između Novaka Đokovića i Sebastijana Korde trebalo je biti odigran u noći između srijede i četvrtka, ali na kraju ipak nije.
Razlog tome je predugo trajanje prethodnih mečeva u Majamiju i to što bi Đoković i Korda na teren izašli poslije 23h po lokalnom vremenu, što je zabranjeno po novim pravilima osim u posebnim slučajevima.
Ovaj nije bio takav, pa su Đoković i Korda dobili novi termin odigravanja negdje oko 21:30h po našem vremenu.
Đoković i Korda zajedno su sa organizatorima došli do dogovora da se meč odigra sutra, pa će tako pobjednik ovog duela imati dan manje odmora pred polufinalni duel protiv Grigora Dimitrova.
