Roma i Fejnord su finalisti ovosezonskog izdanja Lige konferencija.
Roma je na “Olimpiku” u revanš meču polufinala savladala Lester sa 1:0, te je uspješnija ukupnim rezultatom 2:1.
S druge strane, Fejnord je kao gost protiv Olimpik Marselja odigrao bez golova, a ukupan rezultat u tom dvomeču glasi 3:2 u korist tima iz Roterdama.
“Vučica” je otvorila meč velikim pritiskom, a nakon nekoliko propuštenih prilika, Tami Ejbraham ju je doveo u vođstvo pogotkom glavom na asistenciju Lorenca Pelegrinija.
Domaćini su bili bolji i u ostatku meča, a Lester nije imao pravu ideju u napadu. Engleski predstavnik je uputio samo dva udarca u okvir gola protivnika, što nije bilo dovoljno da ugroze Romu, pa je konačan rezultat ostao 1:0.
Fejnord je uspio doći do rezultata koji ga vodi u Tiranu na finale Lige konferencija.
Olimpik Marselj je u oba poluvremena imao veći posjed i više šuteva, kao i prilika, međutim nisu bili dovoljno konkretni i susret je završen bez pogodaka, što je odgovaralo gostima iz Roterdama.
