U posljednjem meču u okviru današnjeg programa FA kupa, Mančester junajted je minimalnim rezultatom 1:0 na svom “Old Trafordu” pobijedio Votford.
Odličan start za ekipu Ole Gunara Solskjera koja je već u petom minutu došla do gola. Aleks Teles je ubacio iz kornera, u kaznenom prostoru je najbolje skočio Skot Mektominej, a lopta koju je glavom udario Škot završava od stative u mreži gola Danijela Bašmana.
U nastavku meča prvo šansa za Votford. Adam Masina je u 16. minutu ispratio centaršut i snažno šutirao sa 11 metara, ipak njegov pokušaj je izblokiran od strane Junajtedovih igrača.
Erik Baji je samo četiri minute kasnije skočio u kaznenom prostoru gostiju, šutirao je glavom, ali je lopta otišla pored desne stative Votfordovog gola.
U finišu prvog dijela Huan Mata je imao situaciju jedan na jedan sa Bašmanom, Španac je šutirao pravo u austrijskog golmana.
Prvi dio meča završen je sa vođstvom domaćih, a isti rezultat će biti isti i nakon drugih 45 minuta.
U 69. minutu je Danijel Džejms napustio teren, a umjesto njega je ušao Markus Rašford. Englez je u 81. minutu imao najbolju šansu u drugom dijelu susreta. Nakon solo akcije, uputio je udarac iz šesnaesterca, ponovo je Bašman dobro odbranio loptu koja je išla u donji desni ugao.
Na kraju pogodak Mektomineja je bio dovoljan za prolaz Mančester junajteda u naredno kolo FA kupa.
