Nesvakidašnja scena se desila u utakmici nižeg ranga u Španiji, u duelu između Vinjarosa i Penjiskole.
Domaći Vinjaros je gubio 1:0 u samom finišu utakmice, pa je golman ove ekipe odlučio da se pridruži svojim saigračima u ofanzivi u jednom od posljednjih napada. Lopta je nakon gužve došla upravo do njega, šutirao je i na veliko oduševljenje svih pristalica Vinjarosa poslao loptu u mrežu za 1:1.
Uslijedilo je veliko slavlje, ali odmah zatim i hladan tuš za nesrećnog čuvara mreže i njegovu ekipu. Golman se nije uspio na vrijeme vratiti na svoj gol, pa ga je jedan od protivničkih igrača lobovao iz velike udaljenosti i tako postavio konačnih 2:1.
