Čak 11 golova viđeno je večeras u prvim utakmicama polufinala Lige konferencija.
Više nego zanimljivo je bilo u Birmingemu, gdje je Olimpijakos kao gost savladao Aston Vilu rezultatom 4:2.
Ajub El-Kabi je u 16. i 29. minuti postigao dva gola za Olimpijakos koji je vrlo rano došao do prednosti od dva gola. Lako se Aston Vila od toga oporavila, a ponajviše nakon gola Olija Votkinsa u nadoknadi prvog poluvremena.
Do izjednačenja su došli u 52. minuti kada je gol gostiju pogodio Musa Dijabi. Četiri minute kasnije, ponovo El-Kabi. Fudbaler Olimpijakosa iz penala je došao do het-trika, a u 67. minuti Santijago Heze je postigao gol za 4:2.
Mogla je Aston Vila smanjiti zaostatak i olakšati sebi posao koliko-toliko u revanšu, ali je Daglas Luiz u 84. minuti promašio jedanaesterac.
Revanš u Atini se igra za sedam dana.
BABABABABABBA QUEL BUUUUUUUUT DE EL KAABI FACE À ASTON VILLA POUR LE DOUBLÉEEEEE ! 😳🇲🇦
— TFT MOROCCO (@TFT_Morocco) May 2, 2024
7 E BUT EN CONFÉRENCE LEAGUE ! QUEL JOUEUR ! 🤩🔥
pic.twitter.com/naoGeqtTSi
Samo jedan gol manje viđen je u Firenci, gdje je Fiorentina slavila sa 3:2 protiv Klub Briža.
I tu se utakmica otvorila vrlo rano, jer je u petoj minuti Rikardo Sotil doveo domaći tim u prednost. Nije ona dugo trajala, pošto je u 17. minuti iz penala izjednačio Hans Vanaken. Fiorentina je na odmor otišla sa vođstvom, koje joj je donio Andrea Beloti u 36. minuti.
Rafael Onejedika je u samo tri minute na startu drugog poluvremena dobio dva žuta kartona, čime je Briž ostao sa igračem manje. Djelovalo je da će to ići u korist Fiorentine, no umjesto toga Belgijanci su došli do izjednačenja u 63. minuti preko Rodrigeza TIjaga.
Gol odluke i pobjedu domaćinu donio je Bala Nzola u prvoj minuti nadoknade utakmice.
Revanš u Belgiji biće odigran za sedam dana.
