Trener Argentine, Lionel Skaloni rekao je pred sutrašnje finale da je zaustavljanje Kilijana Mbapea timski posao.
Skaloni je istakao da je ovo utakmica Argentina – Francuska, a ne Mesi – Mbape.
“Zahvaljujem se svojim igračima, nema drugih riječi. Znam da bi svaki Argentinac rekao isto. I već sam uzbuđen… dali su sve od sebe. Nadajmo se da ćemo to okruniti. A ako ne, onda ćemo ostati ponosni. To je trenutak za uživanje. Uživam, na svoj način, ali uživam. Reprezentacija Argentine pripada svima. Imamo spektakularnu skupinu, svi se ubijaju kako bi odbranili ovaj dres. I sutrašnja utakmica je utakmica Argentina – Francuska a ne Mesi – Mbape. Obje ekipe imaju oružje tako da finale odlučuju i drugi fudbaleri. Leo je dobro i nadamo se da će na kraju pobjeda otići na našu stranu”- kazao je Skaloni i pričao o tome kako zaustaviti Kilijana Mbapea:
“Zaustavljanje Mbapea timski je posao, a ne samo jednog igrača. I nije samo on. Francuska ima puno jako dobrih igrača koji je čine boljom ekipom. Oni su jedna od najboljih ekipa i nastavljaju da rastu, baš kao i sam Mbape”.
Utakmica se igra sutra od 16 časova.
