U okviru 24. kola Čempionšipa, Bornmut Asmira Begovića izgubio je po četvrti put u sezoni, dok su prvoplasirani Norič i drugoplasirani Svonsi upisali sigurne pobjede.
Luton je uspio da iznenadi Bornmut i pobjedi 1:0. Kiernan Devsburi-Hol je golom u 67. minutu postigao pobjednički pogodak. Bornmut je ostao sa igračem manje u 26. minutu kada je Džeferson Lerma zaradio crveni karton.
Norič je slavio u gostima protiv Kardifa rezultatom 2:1. Već u prvom poluvremenu gosti su imali prednost od dva gola, a strijelci su bili Grent Henli i Tod Kantvel. Jedini gol za Kardif djelo je Džoa Ralsa. U Kardifu je nakon gola Ralsa ovaj tim je ostao sa igračem manje poslije drugog žutog kartona Merlona Peka.
Votford je golovima Toma Kleverlija i Žoaa Pedra savladao Hadersfild sa 2:0.
Trijumfovao je danas i Bristol siti protiv Prestona sa 2:0. Famara Dediu i Zek Vajner bili su strijelci za pobjednički sastav.
Notingem je sa 3:1 pobijedio Milvol na svom stadionu, dva gola za domaći tim postigao je Semi Ameobi, dok je jedan dodao Rajan Jejc. Jedini pogodak postigao je Ben Tompson.
Svonsi je slavio protiv Barnslija u gostima sa 2:0. Bendžamin Kabang i Džamal Lou su pogađali za klub iz Velsa.
Roteram je minimalnim rezultatom od 1:0 savladao Derbi u gostima. Džejmi Lindsej je bio jedini strijelac na susretu.
Istim rezultatom Birmingem je pobijedio Midlsbro, a Skot Hogan je postigao jedini gol na meču.
Blekburn i Stouk su odigrali neriješen meč 1:1. Nik Pauel je pogodio za Stouk, dok je za domaći tim bio strijelac Džon Bakli. Džejms Čester je zaradio crveni karton za Stouk nakon što je Blekburn izjednačio.
