Trener Barselone, Hansi Flik najavio je večerašnji derbi protiv Real Madrida.
Flik je kazao da će se prilagoditi Realu na svoj način.
“Želimo igrati, biće to odlična utakmica. Imamo svoj pristup. Protiv Bajerna smo napredovali, a u svakoj utakmici moraš da se prilagođavaš. Sada ćemo se prilagoditi Realu na svoj način. Popravili smo određene kombinacije, dobro radili sa i bez lopte protiv Bajerna, ali svjesni smo da moramo da napredujemo, da se prilagođavamo situacijama i rastemo” – istakao je Flik i dodao:
“Naša ideja je da pritisnemo što više, da budemo kompaktna cjelina i da ne ostavljamo razmake između linija. Moramo dodatno izbalansirati opterećenje kako igrači ne bi morali previše da se troše, a da ipak ostanemo kompaktni kao tim”.
Utakmica se igra večeras u 21h.


