Trener Mančester sitija Pep Gvardiola u šaljivom tonu je prokomentarisao to da se Liga kupa igra samo dva dana nakon finala Svjetskog prvenstva.
Mančester siti će u osmini finala igrati protiv Liverpula 20. decembra, dva dana poslije velikog finala Mundijala u Kataru.
“Jirgen Klop će igrati lijevog beka, a ja ću igrati veznog, to je strategija. Ne znam koje ću igrače tada imati. Znam da Rijad Mahrez, Erling Haland, Serhio, Riko ne idu na Svjetsko prvenstvo, ali ostali igrači će biti na Svjetskom prvenstvu” – rekao je Pep Gvardiola.
Ogroman problem će imati oba trenera u tom duelu, jer je veliki broj igrača iz njihovih timova pozvan na prvenstvo u Kataru.
