U okviru 16. kola Primere, Valensija je u Vigu pobijedila Seltu sa 2:1, a Rajo Valjekano je na svom terenu rezultatom 1:0 srušio Espanjol.
“Slijepi miševi” su do nova tri boda stigli nakon preokreta. Selta je u prvom poluvremenu imala mnogo veći posjed lopte, a u 11. minutu je preko Ijaga Aspasa povela sa 1:0. Ipak, Ugo Duro je osam minuta kasnije poravnao na 1:1 i tako se otišlo na veliki odmor.
U 53. minutu, Maksimiliano Gomez, koji u Valensiju stigao upravo iz Selte, pogodio je mrežu svog bivšeg kluba za 2:1, čime je postavio konačan ishod susreta.
Rajo Valjekano je stigao do veoma bitne pobjede, koja ih je približila vrhu tabele i donijela im 27. bod. Jedini pogodak na meču je bio djelo fudbalera Espanjola Leandra Kabrere, koji je u 54. minutu poslao loptu u vlastitu mrežu.
Ostali rezultati:
- Elče – Kadiz 3:1 (Fidel 13′, Tete Morente 75′, Žosan 90+3′; Fernandez 90+1′)
- Levante – Osasuna 0:0
