U Liverpulu je odigrana utakmica osmog kola engleske Premijer lige, gdje je Everton ugostio Vest Hem. Meč je završen minimalnim rezultatom 1:0 u korist gostiju iz Londona.
Prvo poluvrijeme u Liverpulu na “Gudison parku” je počelo bez prevelikih uzbuđenja. Odmjeravale su se obe ekipe, ali bez većih prijetnji po gol Evertona i Vest Hema. Jedino uzbuđenje u prvom dijelu meča se desilo u 34. minuti kada Tomaš Suček postiže gol, ali je isti poništen zbog ofsajda na razočarenje gostujućeg tima i njihovih navijača. Vest Hem je i nakon šest minuta imao priliku da povede, ali šut Pabla Fornalsa prolazi pored desne stative. Na odmor se otišlo bez golova.
U drugom poluvremenu dosta više dešavanja vrijednih pomena. Prvo Everton prijeti preko Aleksa Ivobija čiji šut sa desne strane nije previše zaprijetio golmanu “Čekićara” Lukasu Fabijanskom. Odmah 5 minuta nakon prilike domaćina i gosti prijete preko Mikajla Antonija, ali je njegov šut izblokiran od strane Majkla Kina. Gosti nakon te šanse preuzimaju inicijativu i u 77. minuti preko štopera Anđela Ogbone, koji odlično skače u šesnaestercu, postižu gol za vođstvo.
Vest Hem nastavlja sa pritiskom i u 88. minuti krilo londonskog kluba Džerod Bouen odlično šutira u situaciji gdje je bio okružen sa dosta protivničkih igrača, ali njegov šut završava ipak pored gola. Domaćini se bude u 91. minuti kada krilni igač Demaraj Grej hvata loptu sa nekih 12 metara i puca loptu sa desne strane, ali jedan od igrača gostiju to odlično blokira.
Nakon te šanse se utakmica i završava, a londonski klub odnosi sva tri boda sa “Gudison parka”. Popularne “Karamele” nakon poraza kod kuće sljedeće kolo dočekuje Votford, dok “Čekićari” igraju domaći meč grupne faze Lige Evrope protiv Genka.
