Selektor košarkaša Turske Ergin Ataman bio je ogorčen na sudije nakon poraza od Srbije sa 79:72.
On je kazao da nisu uspjeli da zaustave Nikolu Jokića u prvom poluvremenu i da su tada upali u veliki minus.
“Pokazali smo dva lica. U prvom poluvremenu nismo postojali na parketu. Nismo uspjeli da zaustavimo Jokića, imali smo loša riješenja u napadu, veliki minus. U drugom poluvremenu smo promijenili strategiju i igrali sa dva visoka. Igrali smo agresivnije na Jokića i njihovog plejmejkera. Nadam se da će FIBA provjeriti šta su njihove sudije uradile, kao što ću i ja provjeriti gdje smo griješili” – istakao je Ataman.
Turska trenutno ima skor 2-4 u kvalifikacijama i teško će izboriti plasman na predstojeće Svjetsko prvenstvo.
