Košarkaš Zenita Bili Beron rekao je nakon pobjede svog tima nad ekipom Crvene zvezde od 80:76 u Beogradu, da mu je ovo veoma posebno mjesto za igru i dvorana koja mu mnogo znači.
On je večeras bio veoma inspirisan za igru, pa je bio najefikasniji na meču sa 25 poena.
“Ovo je vrlo posebno mjesto za igru. Ova dvorana mi mnogo znači, kao i Zvezda koja je bila važan korak u mojoj karijeri. Volim ove navijače, moja porodica je voljela da živi ovdje. Drago mi je što smo pobijedili, iako je bila teška utakmica. Sjajan timski rad, vjerovali smo da možemo. Svaka utakmica je maraton, mi smo bliže za korak tamo gdje želimo da budemo” – izjavio je Beron.
Zenit trenutno ima skor od 12 pobjeda i šest poraza, te zauzima četvrto mjesto na tabeli Evrolige.
