Košarkaš Efesa Šejn Larkin rekao je da su svi u timu imali apsolutno povjerenje u Vasilija Micića i da im je on trojkom donio pobjedu nad Olimpijakosom od 77:74 i plasman u finale Evrolige.
Amerikanac je kazao da je ova akcija bila i mali trik, jer je većina očekivala da će on šutirati.
“Čovječe, pa ovo je Srbija, moralo je da ide kod Vase. Trener ima povjerenje u Vasu, ja imam povjerenje, svi imamo i on nas je odveo u finale. Da, može se reći da je to bio ‘hail mary’ koš. Ovo je bio mali trik. Možda su pomislili da ću to biti ja, ali Vasa je uzeo loptu i pogodio” – izjavio je Larkin.
Finale Evrolige na programu je u subotu od 19 časova.
