Austrijski skijaš Johanes Strol ostvario je svoju prvu pobjedu u Svjetskom kupu pošto je bio najbrži u slalomu u švajcarskom Adelbodenu.
Strol je sjajnom drugom vožnjom nadoknadio zaostatak za vodećim skijašima iz prve vožnje i slavio je sa vremenom 1:50,05. Drugi je bio Manuel Feler iz Austrije sa 17 stotinki zaostatka, a treće mjesto je pripalo Nijemcu Linus Straseru sa 29 stotinki zaostatka.
Domaći skijaš Ramon Zenhausen je bio na četvrtom mjestu, a za njim slijede Luka Aerni, Loik Meilar, Aleks Vinacer, Danijel Jul, Đulijano Racoli i na desetom mjestu Luk Vinters.
Marko Odermat je i dalje vodeći u Svjetskom kupu sa 845 bodova, drugi je Aleksander Amot Kilde (469), a treći Matijas Majer sa 447 bodova.
