Iako su prethodne dvije godine osvojili FIBA Ligu šampiona, igrači Burgosa ove sezone nisu uspjeli da izbore opstanak u Endesa ligi.
Ekipa je u posljednjem kolu izgubila od Fuenlabrade 86:83 i tako se poslije pet sezoa preselila u niži rang, a onda je predsjednik kluba Feliks Sančo ušao na teren i rekao igračima da kleknu na koljena pred navijače.
“Nikada nisam zažalio što sam stigao ovdje, ovo je veliki projekat. Mi smo mlad klub koji je imao mnogo uspjeha. Ovo je momenat u kome jako patimo, ali imamo naslijeđe sa navijačima i ovom halom” – rekao je trener Pako Olmos.
Mnogi navijači su snimljeni kako plaču, a igrači su skoro minut klečali na koljenima i tako molili za oproštaj što je tim ispao u niži rang.
