Igrači SC Derbija dočekaće tim Borca iz Čačka u sedmom kolu ABA lige, a trener Andrej Žakelj je istakao da moraju igrati jaku odbranu.
Tim iz Podgorice trenutno ima skor od četiri pobjede i dva poraza, a Žakelj je kazao da ih čeka fizički i psihički zahtjevna utakmica.
“Opet igramo u svojoj dvorani, pa se nadam da ćemo pokazati energiju koja nam je potrebna da bi igrali, jer bez energije i borbe ne možemo, tako da se spremamo. Znamo ko je Borac, imaju i oni vrlo vrlo iskusnu ekipu, traže i oni pobjedu, tako da sigurno nas čeka zahtjevna i fizički i psihički utakmica. Imaju dobre igrače, sa dobrim šutom i visoke. Moramo da igramo jaku odbranu, a u napadu pametno i nadamo se da će naša dvorana ostati pobjednička” – izjavio je Žakelj.
Meč je na programu u petak u 20 časova.