Centar SC Derbija, Kenan Kamenjaš, najavio je duel protiv Partizana u 11. kolu ABA lige.
SC Derbi je u posljednje vrijeme itekako znao da namuči Partizan, a uspjeli su da ih sruše u finalu Superkupa, kada je bh reprezentativac Kenan Kamenjaš zaradio i MVP nagradu.
“Očekuje nas teška utakmica protiv možda i najbolje ekipe u ABA ligi. Mislim da će i pristup Partizana ovom meču biti drugačiji jer smo slavili protiv njih u finalu Superkupa. To je bio pripremni period i u ovom meču su oni veliki favoriti. Ali, kao i do sada, nigdje ne idemo sa bijelom zastavicom. Idemo u Beograd da se nadigravamo, maksimalno željni igre i još jednog iznenađenja, a vidjećemo na kraju meča za šta će to biti dovoljno” – rekao je Kamenjaš uoči meča protiv Partizana.
Meč između Partizana i SC Derbija je na programu u nedjelju od 20 časova u beogradskoj “Areni”.
