Portugalski stručnjak Žoze Murinjo od naredne sezone biće na kormilu Rome, a nakon jučerašnje pobjede protiv Lacija u rimskom derbiju Murinjo je ostavio komentar sa čestitkama na društvenim mrežama.
Roma je sinoć pobijedila ekipu Lacija rezultatom 2:0, a golove su postigli Henrik Miktarijan i Pedro, dok je jedan od najboljih na terenu bio Edin Džeko koji je bio asistend kod prvog pogotka “Vučice”.
Žoze Murinjo je nakon utakmice ostavio komentar na društvenoj mreži “Instagram” u kojem je čestitao na pobjedi.
“Čestitam ekipi i gospodinu Fonseki, velika pobjeda” – stoji u komentaru na oficijalnom profilu Rome.
Sa druge strane Paulo Fonseka je izjavio da stoji na raspolaganju novom treneru i ekipi i nakon ove sezone.
