Aktuelni trener Borusije iz Mehengladbaha Marko Roze će od naredne sezone preuzeti ekipu istoimenog njemačkog kluba iz Dortmunda, a njegovo trenutno mjesto zauzeće Čavi Alonso, piše Fabricijo Romano.
Trener druge ekipe Real Sosijedada i bivši igrač tog baskijskog kluba, Liverpula, Real Madrida i Bajern Minhena, Čavi Alonso, od naredne će sezone preuzeti ekipu Borusije iz Mehengladbaha. Njemački klub će tako upotpuniti mjesto koje će ostati upražnjeno nakon što aktuelni trener Marko Roze sjedne na klupu “Milionera” iz Dortmunda.
U dosadašnjoj, relativno kratkoj, trenerskoj karijeri Alonso je trenirao mladu ekipu Real Madrida, kao i drugu ekipu Real Sosijedada.
