Dva španska kluba uspješno su odigrala prve četvrtfinalne duele u Ligi šampiona.
Nakon što je Atletiko Madrid sinoć minimalno poražen kod Mančester sitija večeras su Real Madrid i Viljareal ostavili dobar utisak kada su u pitanju španski klubovi u Ligi šampiona.
Real je na gostovanju kod Čelsija koji je ih je u svom prošlogodišnjem pohodu na evropski tron izbacio u polufinalu najelitnijeg klupskog takmičenja, slavio veliku pobjedu od 3:1 i tako napravio veliki korak ka polufinalu.
U 21. i 24. minuti asistencije Visijusa i Luke Modrića iskoristio je Karim Benzema, a na odmor se otišlo s 2:1 nakon što je gol postigao Kaj Haverc. Već u prvoj minuti nastavka Benzema je došao do svog het-trika i tako postao jedini igrač uz Kristijana Ronalda kojem je to pošlo za rukom da uradi u dva uzastopna meča Lige šampiona, a ujedno je time postavio i konačan rezultat meča.
Manje očekivano uspješan bio je i Viljareal, koji je na domaćem terenu uspio da savlada favorizovani Bajern.
Za pobjedu Žute podmornice bio je dovoljan pogodak Arnauta Danjume iz devete minute utakmice.
