Stef Kari je pobijedio na takmičenju u šutiranju trojki u sklopu ol-star utakmice NBA lige.
Plejmejkeru Golden Stejt Voriorsa je ovo druga titula u ovom takmičenju. Prvu je osvojio 2015. godine. Prošle godine najbolji u šutiranju trojki je bio Badi Hild.
Prvo su se na parketu pojavili Džejlen Braun i Džejsom Tejtum. Iz Seltiksovog tandema bolji je bio Tejtum sa 25 trojki u prvoj rundi. Odličan je bio i Majk Konli iz Džezera sa 28 trojki, ali se onda pojavio Stef Kari i “spakovao” 31 trojku.
U drugoj rundi Tejtum je podbacio sa samo 17 trojki. Zatim je 27 ubacio Konli, a jednom više Kari stigao do svog drugog priznanja u šutiranju trojki.
