Njukasl i Mančester siti remizirali su rezultatom 3:3.
U okviru trećeg premijerligaškog kola Njukasl je dočekao Mančester siti, a i nakon današnjeg duela niti jedan od timova ne zna za poraz u novoj sezoni.
Furiozno je krenuo Siti čiji Ilkaj Gundogan već u petoj minuti pogodio nakon asistencije Bernarda Silve, ali je domaćin preokrenuo rezultat do poluvremena.
U 28. minuti pogodio je Migel Almiron, a na krilima izjednačenja šest minuta pred odlazak na odmor pogodio je i Kalum Vilson.
Deveta minuta nastavka igre donijela je prednost od dva gola domaćinu, a tada je pogodio Kjeran Tripije. Samo šest minuta poslije odlično se u šesnaestercu snašao Erling Haland i tako došao do novog gola za Siti, da bi konačnih 3:3 u 64. minuti postigao Silva.
