Real Madrid je u okviru devetog kola Primere savladao Atletik Bilbao na svom terenu rezultatom 1:0.
Jedini gol na meču “Kraljevski klub” je postigao u 40. minuti kada je nakon dobre akcije domaćeg tima golman Atletik Bilbaa Unai Simon odbranio udarac Marka Asensija, ali se lopta odbila do Luke Modrića, čiji je udarac završio na stopalu Karima Benzeme, a neumoljivi Francuz pogodio za prednost Reala.
Nakon primljenog gola, Atletik Bilbao je bio definitivno konkretnija ekipa na “Santiago Bernabeu“, što govori podatak da su u nastavku uputili čak 11 šuteva prema golu Tiba Kurtoe, no ipak Belgijanac nije imao puno posla jer je samo jedan udarac išao u okvir gola.
Real Madrid je sa ova tri boda povećao razliku na prvom mjestu u odnosu na gradskog rivala Atletiko. U narednom kolu “Kraljevi” gostuju Real Sosijedadu, dok Atletik Bilbao gostuje Hetafeu.
