Siti ostaje bez golmana.
Iskusni čileanski čuvar mreže Klaudio Bravo blizu je transfera u Real Betis.
Kako prenosi “Goal.com” Bravo je prva želja novog trenera Betisa Manuela Pelegrinija, koji želi novog čuvara mreže, pošto je njegova ekipa primila čak 60 golova u prethodnoj sezoni. Bravo bi trebao ponovo da se pokaže u ulozi prvog golmana, nakon što je dvije godine u Mančesteru proveo kao rezerva Edersonu.
Čileanac je u dresu Mančester sitija proveo četiri sezone i osvojio dvije titule prvaka Engleske. Prve sezone je bio standardan, ali nakon nekoliko loših partija prešao je na klupu i mjesto u prvoj postavi predao mladom Brazilcu.
Ovo će Bravu biti drugi boravak u Španiji gdje je dugi niz godina čuvao mreže Real Sosijedada i Barselone.
