Juventus je u okviru 19. kola Serije A savladao Kaljari na svom terenu rezultatom 2:0, dok su Đenova i Atalanta remizirali bez golova.
Juventus je tako došao do nova tri boda i četvrte pobjede u zadnjih pet utakmica s kojom se dodatno približio Atalanti na četvrtom mjestu.
“Stara dama” je do prvog gola došla u finišu prvog poluvremena kada je Mojze Kin skočio najviše u kaznenom prostoru gostiju i pogodio mrežu Kaljarija.
Pobjedu Juventusa potvrdio je Federiko Bernardeski drugim golom u 83. minuti, pošto je realizovao dobru akciju domaćeg tima i postavio konačnih 2:0 u Torinu.
Na stadionu “Luiđi Feraris” u Đenovi nije bilo golova, iako je viđena apsolutna dominacija gostujućeg tima iz Bergama.
Atalanta je imala 68 odsto loptu u svojim nogama na ovom meču, a pored toga, “Boginja iz Bergama” je prema golu protivnika uputila 15 udaraca, naspram dva protivnika, od kojih nijedan nije ušao u okvir gola. I pored toga svega, na semaforu je na isteku 90 minuta pisalo 0:0.
