Bajern Minhen je rezultatom 3:1 savladao Borusiju Dortmund u finalu njemačkog Superkupa.
Fudbaleri minhenskog Bajerna savladali su Borusiju iz Dortmunda u finalu njemačkog Superkupa. Igrao se 41. minut utakmice kada je Robert Levandovski iskoristio asistenciju Serža Gnabrija i doveo svoj tim do prednosti, a prednost je u petoj minuti drugog poluvremena na asistenciju poljskog napadača povećao Tomas Miler.
Uslijedilo je potom smanjenje prednosti Bavaraca koje je fantastičnim pogotkom donio Marko Rojs u 64. minuti meča, da bi konačnih 3:1 drugim golom na utakmici postavio Levandovski 15 minuta prije kraja utakmice.
Minhenski tim večerašnjom je pobjedom došao do devetog pehara namijenjenog osvajaču Superkupa, a Borusija se zadržala na njih šest.
