Čelsijev trener Tomas Tuhel uputio je poslije današnje utakmice kritike na račun Hadsona-Odoija, kojeg je izvadio iz igre u 76. minuti, dok ga je prethodno u igru uveo na poluvremenu, piše “Breakingnews.ie”.
Kalum Hadson-Odoi je u igru ušao u 46. minuti današnje utakmice protiv Sautemptona, ali je terenu proveo samo 31 minut nakon čega je Tomas Tuhel na teren umjesto 20-godišnjeg napadača poslao Hakima Ziješa.
“Izveo sam Hadson-Odoija iz igre jer nisam bio zadovoljan njegovim pristupom, energijom i načinom na koji je vršio pritisak na protivnika. U ovakvim utakmicama, na kojim je teško kreirati šanse, moramo se oslanjati na pristisak na protivničku posljednju liniju i tjeranje protivnika na grešku. Kalum to danas nije radio na zadovoljavajućem nivou”– izjavio je nakon utakmice Tuhel.
Mladi napadač se ove sezone u početnoj postavi Čelsija našao u samo 28% utakmica, a taj bi se procenat nakon trenerovog razočarenja njegovim pristupom u budućnosti mogao značajno umanjiti.
