Inter i Fiorentina će uraditi sve što mogu kako Ašraf Hakimi i Sofjan Amrabat ne bi nastupali za Maroko u narednom reprezentativnom ciklusu, piše “Football Italia”.
Nakon što se Ole Gunar Solskjer protivio tome da Bruno Fernandeš igra za Portugal na reprezentativnim mečevima ovog mjeseca, sada zbog virusa korona Inter i Fiorentina ne žele pustiti Ašrafa Hakimija, odnosno Sofjana Amrabata na utakmice reprezentacije Maroka.
Hakimi igra veliku ulogu u timu Antonija Kontea i sigurno italijanski trener ne bi želio izgubiti igrača ni za jednu utakmicu u borbi za naslov. Amrabat je takođe od velikog značaja za svoju ekipu, a od prve minute u dresu Fiorentine je počeo 24 utakmice u Seriji A ove sezone.
