Njujork Niksi su sinoć pobijedili Indijanu Pejserse rezultatom 110:107 i tako stigli do svoje 17. pobjede u sezoni. Isto toliko imaju i poraza na svom kontu.
U njihovoj pobjedi sinoć istakao se Džulijus Rendl sa 28 poena i deset skokova, a četiri poena manje je dodao Ar-Džej Beret.
Oni se trenutno nalaze na petom mjestu Istočne konferencije i jedno su od pozitivnijh iznenađenja ove sezonu u NBA ligi sa skorom 17-17. Odavno Niksi nisu imali ovako dobar ulaz u sezonu, koji je navijačima dao nadu da mogu i do plej-of serije.
Primjera radi, oni su u sezonama 2014/15 i 2018/19 na kraju imali isto pobjeda, koliko i trenutno (17). Ništa bolja za njih nije bila ni prošla sezona koju su završili sa 21 pobjedom.
Posljednji put kada su Niksi bili blizu plej-ofa bilo je u sezoni 2013/14 kada su bili deveti. Godinu prije toga bili su drugi na Istoku, a onda izgubili u polufinalu konferencije od Indijana Pejsersa.
Dobre rezultate u ovoj sezoni, iako se igra bez publike, ispratili su i navijači koji su sinoć ispred “Medison Skver Gardena” nakon dugo vremena imali razloga za slavlje.
