Fudbalski klub Novi Pazar sporazumno je raskinuo saradnju sa trenerom Draganom Aničićem, rečeno je u tom superligašu.
Aničić (52) je došao u Pazar početkom juna, a umjesto dogovorenih godinu dana zadržao se oko dva i po mjeseca. On je sa Novopazarcima ostvario pobjedu, dva poraza i neriješen ishod, pa taj tim poslije četiri kola zauzima 11. mjesto u najjačem domaćem rangu sa četiri osvojena boda.
S novim šefom stručnog štaba, Novi Pazar će u petom kolu Superlige Srbije dočekati ekipu Železničara iz Pančeva.
Poslije četiri odigrana kola u Superligi osim Predraga Rogana u Železničaru, bez angažmana prethodno su ostali Dušan Kerkez u Čukaričkom, odnosno Radoslav Batak u Vojvodini.
