Otvoren je Mundijal u Kataru utakmicom između domaćina Katara i Ekvadora, u kome su gosti trijumfovali sa 2:0 golovima Enera Valensije.
Stadion “Al Bait” je bio ispunjen do posljednjeg mjesta, a takođe su navijači pohrlili i na ulice ostalih gradova gdje je upriličen organizovan prenos utakmice.
Međutim, u jednom od gradova, Al Bidi, bilo je ogromnih problema. Policija nije dobro organizovala događaj i pustila je mnogo više navijača u fan zonu nego što se očekivalo. Nastala je panika i velika gužva, a o stampedu su pisali i pojedini strani mediji.
“Bilo je opasno. Pustili su previše ljudi unutra. Nisam stigao do glavne bine i drago mi je što sam otišao” – rekao je jedan od navijača koji je u rukama nosio četvorogodišnje dijete.
Navodi se i to da ima povrijeđenih osoba, ali se za sada ne zna koji je broj u pitanju. Uskoro se mogu očekivati detalji nemilih događaja.
