Liverpul je u prvom kolu engleske Premijer lige odigrao neriješeno protiv Fulama 2:2, a svoje utiske je iznio i trener tima sa “Enfilda” Jirgen Klop.
Trener Liverpula Jirgen Klop izjavio je da je njegova ekipa odigrala prilično loše te da nije zaslužila pobjedu u premijernoj utakmici u novoj sezoni.
“Osvojili smo bod u veoma lošoj utakmici sa naše strane, tako da je sada pitanje kako se to moglo dogoditi. Naš stav u početku nije bio ispravan, a onda smo željeli da uzvratimo, ali više nije bilo lako, teren je bio suv. Rezultat je dobar, mislim da nismo zaslužili više od toga. Mogli smo i da pobijedimo, ali bilo bi previše” – rekao je Klop.
