Kontroverzni francuski teniser Benoa Per nakon poraza od Dijega Švarcmana dao je veoma neukusnu izjavu u kojoj je uvrijedio sve prisutne na Vimbldonu.
Meč Dijega Švacmana i Benoa Pera prekinut je zbog mraka pri rezultatu 6:3, 6:4, a nastavljen je danas. Nastavak je trajao samo 16 minuta jer je Španac dobio posljednji set sa 6:0 i tako se plasirao u drugo kolo Vimbldona.
Sa tribina moglo se čuti da Francuz troši svima dragocjeno vrijeme, a sudija Mohamed Lajani je uputio javno upozorenje.
Nakon meča Per bio je poprilično bahat.
“Ne zanimaju me ljudi i navijači. Ja igram samo za sebe i to je to. Ne igram za druge i da bi se drugi zabavili” – istakao je Per pa dodao:
“Ja samo želim da ostanem u svojoj sobi i da odradim test na virus korona i ne slažem se datom situacijom. Volim ovaj turnir. Ono što ne volim je način na koji nas tretiraju, a to je da ostanemo zatvoreni i udaljeni od grada.”
Švarcman će u narednom kolu igrati protiv Liam Brodija.
