Trenutno se igra utakmica 16. kola engleske Premijer lige između Liverpula i Aston Vile na ”Enfildu”, a sadašnji trener gostiju Stiven Džerard je dočekan velikim ovacijama.
Ovo je prvi put kako bivši kapiten Liverpula Stiven Džerard vodi neki tim kao trener protiv svog bivšeg kluba, sa kojim je imao mnogo uspjeha.
Po izlasku iz tunela na “Enfildu”, uslijedile su ovacije i salva aplauza sa tribina, a vidno emotivni Džerard ih je samo pozdravio rukom.
Podsjetimo, on je Aston Vilu preuzeo prošlog mjeseca, a u prethodna četiri meča na klupi je ostvario tri pobjede i jedan remi.
